Is-salib jeħtieġ naqrawh billi nibdew mill-ħajja ta’ min tela’ fuqu: Ġesù. Il-mewt tiegħu tiġbor fiha ħajja sħiħa li hu għex għall-imħabba ta’ Alla u talbnedmin. Ġesù bidel is-salib minn strument ta’ tortura għal strument fejn wera sal-aħħar imħabbtu għall-bnedmin, fejn miet għalina, biex jagħtina s-salvazzjoni.
Dan hu l-lingwaġġ tal-Kurċifiss: min jikkontemplah jiskopri s-sinjali ta’ din l-imħabba, don ta’ salvazzjoni.
Id-djalogu ma’ din l-Ikona tal-Kurċifiss huwa esperjenza li ta’ min jgħixha. Esperjenza li tibdilna. Li tqegħedna fis-saltna ta’ Alla li hi fostna.
